Britaniyanın Şimali Uels bölgəsindəki Enqlsey adasının sakini, 14 yaşlı Kleo Lloyd astma xəstəsi idi.
Xəstəliyin növbəti şiddətlənməsi zamanı Kleo vəfat edib.
Lakin onun vücud orqanları transplantasiya əməliyyatları vasitəsilə 5 uşağın həyatını xilas edib.
Nənəsinin evində dünyasını dəyişən Kleonun ölümünün səbəbi astma böhranı zamanı kəskin ürək-damar çatışmazlığı olub.
Kleonun anası Fionanın dediyinə görə, qızı çox fədakar və şəfqətli insan idi.
"Kleo həmişə insanlara yaxşılıq etmək istəyirdi. Qızımın orqanlarının ehtiyacı olan uşaqlara transplantasiya üçün verilməsinə qərar verdim. Əminəm ki, qərarımı Kleo bəyənərdi", - Fiona Lloyd deyib. (milli.az)
