Çində 18 yaşlı qız iPhone 4S smartfonunun qurbanı olub.
Mobil telefonunun akkumulyatorunu enerji ilə doldurmaq üçün xəttə qoşmuş qızın öldüyünü bacısı görüb.
"Bacımın yataq otağına girəndə gördüm ki, üzü, əlləri və ayaqları yanıqlar içindədir. Bacım ölmüşdü. Bir tərəfdə də partlamış telefon vardı", - 18 yaşlı qızın bacısı deyib.
Olay Çinin Sinzyan şəhərində baş verib.
Polisdən verilən məlumata görə, qızın ölümünün səbəbi onun iPhone 4S telefonudur.
Telefon elektrik keçirib və qızı öldürüb.
Shanghaiist-in məlumatına görə, məhkəmə-tibb ekspertizası da 18 yaşlı qızın elektrik cərəyanı vurması nəticəsində öldüyünü təsdiqləyib.
Ötən ilin iyulunda Çində 23 yaşlı stüardessa Ma Ailun da iPhone 5S telefonunun elektrik keçirməsi nəticəsində həlak olmuşdu.
///Milli.az
