Çox oturan insanlarda ölüm riski artır. Amerika Xərçəng Dərnəyi günün çox hissəsini oturaq keçirən insanlar üçün həyəcan təbili çalır. Amerikada aparılan araşdırma günün 6 saatından artığını oturaq keçirən insanlarda ölüm riskinin 20-40 faiz artıq olduğunu üzə çıxarıb.
Amerika Xərçəng Dərnəyinin mütəxəssislərinin hesablamalarına görə, gündə 6 saatdan çox oturan qadınlarda, gündə 3 saat oturanlara nisbətən ölüm riski 40 faiz çoxdur. Eyni vəziyyətdəki kişilərdə isə təhlükə 20 faiz nisbətindədir.
Elm adamlarının sözlərinə görə, çox oturmaq ürək-damar xəstəlikləri, şəkər, depressiya və artıq çəki kimi problemlərə yol aça bilər. Bu da qeyri-sağlam həyat tərzi və tezləşən ölümün müjdəçisidir.
//Ans Press
