2015-2024-cü illərdə iqlim dəyişikliyinin təsirlərinin sürətlə artdığı və bu dövrün "ən isti 10 il" olaraq qeyd edildiyi açıqlanıb.
AZXEBER.COM Türkiyə mediasına istinadən xəbər verir ki, bu barədə Dünya Meteorologiya Təşkilatı (WMO) açıqlama verib.
Açıqlamada iqlim dəyişikliyinin təsirlərinin sürətlə artdığı 2015-2024-cü illər dövrünün "ən isti 10 il" olaraq qeyd edildiyi və 2024-cü ildə qlobal temperaturun 1850-1900-cü illər sənayedən əvvəlki dövrlə müqayisədə ilk dəfə olaraq 1,5 dərəcədən çox artacağı ifadə edilib.
Hesabatda 2024-cü ildə qeydə alınan rekord temperaturların əsas səbəbinin istixana qazı emissiyalarının artması olduğu, planeti soyudan La Nina hava hadisəsinin temperaturun artmasına səbəb olan El Ninoya çevrilməsinin də bu yüksəlişi sürətləndirdiyi bildirilib.
Günəş dövrəsindəki dəyişikliklər, böyük vulkan püskürmələri və soyuducu aerozolların azalmasının da bu temperatur artımına səbəb ola biləcəyini ifadə edən açıqlamada, iqlim dəyişikliyi ilə mübarizədə hava, su və iqlim xidmətlərinə sərmayə qoyuluşunun həmişəkindən daha vacib hala gəldiyi vurğulanıb.
Oksana
