Nourthəmptone şəhərindəki dövlət məktəblərindən birində azyaşlılar üçün açılmış rəqs studiyasında adi rəqslərlə yanaşı, "pole dance", yəni striptiz rəqsləri də tədris olunurmuş.

"Little Spiners" adlanan bu qrupda striptiz dərslərinin keçilməsindən xəbərsiz olan valideynlər də ayda 5 funt-sterlinq ödəyir, uşaqlarının bal və idman rəqslərinin öyrəndiklərini güman edirdilər.

Qrupun rəhbəri və rəqs təlimatçısı Karli Uilfordun başçılıq etdiyi bu qrupda yaşları 13-dən aşağı olan uşaqlar məşğul olublar.
Həmin qrupun bir bölümü də Esseksdəki Brentvud şəhərində olub və həmin qrupda da uşaqlara striptiz dərsləri keçilib.

Nourthəmptondakı "Make Me Fabulous" art-şirkətinin əməkdaşı olan xanım Uilford balaca qızlara bal rəqslərini öyrətdiyini desə də, 3-6 yaşlı qızlara striptiz dirəyinin ətrafında "şəhvətli hərəkətlər" dərsləri keçilib.
Qızlardan bğirinin valideyni deyib: "Bunu biləndə dəhşətə gəldim. Uşağımı bal rəqsləri öyrənmək üçün qrupa yazdırmışam, indisə məlum olur ki, müəllimə Karli onlara striptiz dərsləri keçirmiş".

Londondan şimaldakı İslinqton şəhərində yaşayan 30 yaşlı Karli Uilford isə deyir ki, balaca qızlara striptiz rəqslərinin keçilməsində qeyri-adi və ya əxlaqsız heç nə görmür: "O rəqslərdə seksual heç nə yoxdur. Əksinə, uşaqlar fiziki hərəkətlərlə bədənlərini inkişaf etdirirlər".

İngiltərə Analar İttifaqı Karli Uilfordun məktəbdən qovulmasını və sərt cəzalandrılmasını tələb edib.

/// milli.az