Avropa Birliyinin (Aİ) "Kopernik” peyk izləmə sisteminə görə, 2024-cü ilin ən isti il olacağı bəlli olub.
AZXEBER.COM xarici mediaya istinadən xəbər verir ki, 2024-cü ilin 10 ayı üçün orta qlobal temperatur anomaliyasının 1991-2020-ci illərin orta göstəricisindən 0,71 dərəcə yüksək olduğu qeyd edilib.
Kopernik İqlim Dəyişikliyi Xidmətinin (C3S) direktor müavini Samantha Burgess, bunu qlobal temperatur rekordlarında yeni bir mərhələ hesab etdiklərini deyib.
Burgess noyabrın 11-22-də Bakıda keçiriləcək Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasının 29-cu Tərəflər Konfransına (COP29) işarə edərək yeni məlumatların İqlim Dəyişikliyi üzrə Konvensiyanın icrasını sürətləndirəcəyini deyib.
Açıqlamada son 12 ayda (noyabr 2023-2024-cü il oktyabr) qlobal orta temperaturun 1991-2020-ci illərin orta göstəricisindən 0,74 dərəcə yüksək ölçüldüyünə dair məlumatlar da yer alıb.
