ABŞ İranın keçmiş prezident Donald Trampa qarşı təhdidlərini illərdir yaxından izlədiyini və Tehranın hər hansı bir ABŞ vətəndaşına hücumunun ciddi nəticələrin olacağı barədə xəbərdarlıq edib.
AZXEBER.COM xarici mediaya istinadən xəbər verir ki, bu barədə Ağ Ev Milli Təhlükəsizlik Şurasının sözçüsü Şon Savett yazılı açıqlama verib.
"Biz buna ən yüksək prioritet olan milli və daxili təhlükəsizlik məsələsi kimi baxırıq və İranı bu həyasız təhdidlərə görə şiddətlə qınayırıq”.
Savett həmçinin qeyd edib ki, İran ABŞ-yə xidmət etməyə davam edən və ya xidmət etmiş şəxslərə hücum edərsə, ciddi cavabla qarşılaşacaq.
Təhdidlərlə bağlı qurumların daim və tez bir zamanda Trampın təhlükəsizlik bölmələrinə lazımi məlumatları təqdim etdiyini vurğulayan Savett Baydenin gizli xidmətə bu təhdidlərə qarşı mübarizə aparmaq üçün bütün lazımi resursları, imkanları və qoruyucu tədbirləri görməsi barədə göstərişini təkrarladığını bildirib.
Cəmalə
