Efirlərdə gec-gec görünən müğənni Emil Bədəlov qalmaqallı açıqlaması ilə gündəmə gəlib.
AZXEBER.COM xəbər verir ki, "İncə səhər" verilişində qonaq olan Emil, musiqi yarışmalarından danışıb.
Emil iddia edib ki, yarışmaya qatılan iştirakçılar, münsif kürsüsündəki sənətçilərdən daha yaxşı ifalar edirlər:
"İndi də bir neçə müsabiqə keçirilir. "Səs Azərbaycan"da çox istedadlı ifaçılar var. Hətta onlar yarışmanın münsiflərindən daha yaxşı ifa edirlər. Məncə onlar münsiflər heyəti olsa daha yaxşı olar".
Xatırladaq ki, "Səs Azərbaycan 2025"-in münsif kürsüsündə Xalq artistləri Röya Ayxan, Zülfiyyə Xanbabayeva, bəstəkar-müğənni Murad Arif və "Avroviziya 2011" mahnı müsabiqəsinin qalibi Eldar Qasımov yer alır.
Aysel
