AZXEBER.COM-un Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, 7 düyümlü displeylə təchiz olunmuş yeni qurğu 220 dollar qiymətə təklif olunur. Planşetdə 1 Qhs takt tezlikli “Qualcomm Snapdragon” prosessoru tətbiq edilib. Əməliyyat sistemi funksiyasını isə “Android 2.2” (Froyo) yerinə yetirir. Yeni planşetin sensor ekranı WVGA təsvir standartına (480×800 piksel) malikdir. Burada təsvirin xarici monitor və ya televizora ötürülməsi üçün HDMI çıxış da nəzərdə tutulub. Korpusun arxa hissəsində 2 meqapikselli kamera yerləşdirib. Bundan əlavə planşetdə videotelefoniya imkanından istifadə etmək üçün köməkçi kamera da təqdim olunub. 3G, Wi-Fi (802.11b/g/n) və “Bluetooth” modulları olan “Magiq” 8 Qb həcmli quraşdırılmış fləş-yaddaş və “MicroSD” slotu ilə təchiz edilib.