Cəfərov Cəfər Qabil oğlunun ürəyində qüsurlar olsa da, Zaqatala Hərbi Komissarlığı onu hərbi xidmətə aparmaq istəyir. Bu haqda məlumatı qəzetimizə Cəfər Cəfərovun yaxınları verib. Xəbərdə bildirilir ki, Cəfər hərbi həkim komissiyasında müayinədən keçib. Bu zaman ona deyilib ki, ürəyində qüsurlar var, ancaq səni hərbi xidmətə göndərəcəyik. Gedib hərbi xidmət zamanı müayinə olunarsan.
Cəfər Cəfərov isə həkimlərə bildirib ki, hərbi xidmətə getməyə razıdır, ancaq hərbi biletinə xəstəliyi haqqında diaqnoz yazılmasın. Həkimlər isə bildiriblər ki, bu mümkün deyil və sənin şəxsi işində ürəyində olan ciddi problemlər qeyd olunacaq.
Qeyd edək ki, Cəfər Cəfərov iyulun 1-də hərbi xidmətə getməlidir. Azərbaycanda bəlkə də istina haldır ki, ürəyində ciddi qüsurları olan çağırışçının şəxsi işinə xəstəliyi qeyd edilməklə hərbi xidmətə aparılır.
/// bizimyol qəzeti
