Bu il 26 fevral Xocalı faciəsinin 26-cı ili tamam olur. 26 il bir insan ömürü üçün uzun sayılsa da qoca tarix üçün çox az sayılır. Dövlətimizin yaşı 26-dan bir yaş böyük olsa da millətimizin və xalqımızın yaşı , tarixi neçə belə 26 illərə sığmaz. Bəlkə tarixdə biz var olduqca , Azərbaycan türkü belə qətliamlarla çox üz-üzə qalıb, sayı bəlkə 26-nı da keçib. Onlardan birini bizə elə bizim üçün uğursuz sayılan 26 rəqəmini özlərinə təxəllüs kimi götürən "İyirimi Altılar" törədib.
Bu 26 il ərzində bu soyqrım haqqında çox danışanlar, çox yazılar, məqalələr, tədbirlər, çıxışlar , filmlər, mərsiyələr, povestlər, romanlar, musiqi parçaları və s gördüm. Sadaladıqlarım arasında səmimi olanlarını da gördüm, pafoslu çıxış edənləri də. Çıxış üçün, çıxış xatırinə, məndə nəsə edim yadda qalım deyənləri də gördüm. Mən də nəsə edim vətənə xidmət edim deyənləri də gördüm. Ancaq dəyişməyən tək bir şey olacaq. 26 ilin üzərinə neçə-neçə 26 illər gələcək və bizim tariximizdə, təqvimimizdə 26 fevral qara hərflərlə, qırmızı qərənfillərlə yadda qalacaq. Hər dəfə azərbaycanlıya 26 rəqəmini nə ifadə edir soruşanda o,"Düşmənimi və düşmənimin mənə törədiyini, düşmənim mənə qarşı törətdiyinin tarixini"- deyəcək ...
Allah Rəhmət eləsin !!!
