Bu gün Misirin paytaxtı Qahirədə prezident Məhəmməd Morsinin başçılıq etdiyi Müsəlman Qardaşları partiyasının baş qərargahına nümayişçilər hücum ediblər. Qərargahda yanğın törədən bir qrup insan pəncərələri sındırıb və binadakı mebelləri oğurlayıb.Nümayişçilərin binaya daş və yanğın bombaları ilə hücumundan sonra binada evakuasiya işləri aparılıb.Fəalların bildirdiyinə görə, bazar günü Misir boyu prezidentin istefasını tələb edən nümayişlər zamanı baş verən zorakılıqlar nəticəsində azı 5 nəfər ölüb. Yüzlərlə etirazçının gecəni Təhrir Meydanında keçirdiyi bildirilir.
