Britaniyada tanınan hərbçilərdən biri, 47 yaşlı Rassel Cekson cinsini dəyişərək qadın olub.
25 il ordu sıralarında qulluq etmiş Ceksonun dediyinə görə, arzularını reallaşdırmaq üçün bir neçə plastik cərrahiyyə əməliyyatına məruz qalıb.
Son əməliyyat onun sinəsi ilə bağlı idi və Rasselə 4 min funt-sterlinqə başa gəlib.
Rassel Cekson indi Cenni Cekson olub.
Milli.Az The Daily Mail-ə istinadən bildirir ki, Britaniya silahlı qüvvələrinin Kral Alayında xidmət etmiş sabiq hərbçinin dediyinə görə, uşaq vaxtlarından bəri cinsi mənsubiyyətindən narazı idi.
"Gender statusumdan, cinsi mənsubiyyətimdən daim narazı idim. Qadın olmaq istəyirdim. Bunun yaxşı arzu olmadığını anladığımdan, elə ona görə də orduya yollandım", - sabiq kişi, indiki qadın deyib.
Şimali İrlandiya, Bosniya və İraqdakı hərbi əməliyyatlarda o, dəfələrlə qəhrəmanlıq göstərib, ordunun ən cəsur hərbçilərindən biri kimi tanınıb.
"Amma dostlarım, hərbçi yoldaşlarım gözlərimin qarşısında həlak olanda mənəvi əzab çəkirdim. 25 ildən sonra böyük səhv etdiyimi anladım və daxilən özümü hiss etdiym insan olmaq üçün bazanı tərk etdim. 2011-ci ildə Lankaşir qraflığında plastik cərrahiyyə əməliyyatlarına başladım", - Cekson deyib.
Döş implantantları da qoyulandan sonra o, bədənini tam dəyişmək üçün xüsusi hormonal preparatlar qəbul etməyə başlamışdı.
Ceksonun qohumları onun bu dəyişikliyindən şoka düşsələr də, artıq gec idi.
İşsiz Cekson çox yerə müraciət etsə də, onun əvvəl kişi, indi qadın olduğu üzə çıxan təki ona "Olmaz!" deyirdilər.
Cekson indi avtomobil şinlərinin təmiri emalatxanası açıb.
"Cinsimi dəyişəndən sonra çox bəxtəvərəm. Ailə qurmaq istəyirəm. Bəlkə ana da oldum. Uşaq doğmaq istəyirəm", - Cekson deyib.
