Parisdə keçirilən Yay Olimpiya Oyunlarında cinsi qalmaqalla üzləşən əlcəzairli boksçu İman Xelif reklam çarxına çəkilib.
AZXEBER.COM xarici mətbuata əsasən xəbər verir ki, sosial şəbəkələrdə yayılan videoda 25 yaşlı İman iki görüntüdə yer alıb.
İlk olaraq idman köynəyi və boks əlcəkləri ilə görüntülənən idmançı, daha sonra daha parlaq makiyaj, dalğalı saçlar, böyük sırğalar və çiçəkli geyim ilə diqqət çəkib.
Onun bu görüntüsü dünyaca məşhur reper "50 Cent"in diqqətindən qaçmayıb.
O, görüntüləri sosial şəbəkə hesabında paylaşaraq bunları yazıb:
"İnana bilmirəm, bu makiyaj çox qəşəngdir. Belə də davam et, qızım. Rəqibə elə sərt vur ki, qoy desinlər kişidir".
Xatırladaq ki, İman italiyalı Anjela Karini ilə döyüşündən sonra qalmaqallı iddialara tuş gəlmişdi. 46 saniyədə görüşü başa vuran və göz yaşlarını saxlaya bilmıyən italiyalı idmançı heç vaxt belə ağır döyülmədiyini söyləmişdi. Həmin döyüşdən sonra bəzi mənbəələr İmanı kişi olmaqda günahlandırmışdı.
İdmançı hazırda bu iddiaları səsləndirən məşhur şəxslərə qarşı hüquqi prosedurları başlatdığını açıqlayıb.
Aysel
