32 yaşlı Lorena Mak Kinnon ana olmağa çalışsa da, indiyədək arzusu çin olmayıb. 10 dəfə hamilə qalan və hər hamiləliyi də uşağı düşürməklə yarımçıq bitən Lorena arzusuna çatmaq üçün donor anadan yararlanmaq qərarına gəlib. Onun yaxın rəfiqəsi, sonra da bacısı donorluq etməyə, Lorenanın övladını bətnlərində gəzdirib doğmağa razılıq veriblər.
Bir qədər sonra isə Lorenanın anası, 58 yaşlı Xulia Navarro donor ana olmaq istədiyini deyib.
"Qızımın ana olmaq istəyinin gerçəkləşmədiyini görmək ürəyimi dağlayırdı, məni pərişan edirdi. Lorenaya yardımçı olmaq qərarına gəldim. O, qızımdır, yardım etməliydim", - Xuliya deyib.
3 ay davam edən hormonal terapiyadan sonra Navarroya qızı Lorenanın dünyaya gələcək övladının embrionu nəql olunub. Həkimlər də Xuliyaya deyiblər ki, 58 yaşı olduğu üçün, uşaq doğmaq şansı 45 faizdir.
"Anama psixoloji yardım edirəm və bunun üçün psixoloq da müraciət etmişik. Analar bir qayda olaraq övladının donor anasının kim olduğunu bilməzlər. Mən isə anamın bətnində qızımı gəzdirdiyini bilirəm. Təbii, anamın qızıma hamilə olması qəribədir", - Lorena MakKinnon deyib.
ABŞ-da ötən il 53 yaşlı qadın qızı üçün donor ana olmağa razılıq vermiş, əkiz qız nəvələrini düynaya gətirmişdi.(milli.az)
