60 ilin cütlüyü 1 saat fərqlə ölüb.
AZXEBER.COM Milli.Az-a xarici istinadla xəbər verir ki, 60 ildir evli olan cütlük koronavirusa yoluxduğuna görə 1 saat fərqlə dünyadan köçüblər.
İtaliyanın Albino şəhərində yaşayan 82 yaşlı Severa Belotti və həyat yoldaşı 86 yaşlı Luigi Carrara koronavirusdan ölüblər.
60 ildir ailəli olan cütlük 8 gün boyunca evdə 39 dərəcə qızdırma ilə xəstə yatağında yatdıqdan sonra Bergamo Hospitalına aparılıblar. Onlar sözügedən xəstəxanada ölüblər.
"Mən anamla atamı eyni gündə itirdim. Onlar bir-birlərini çox sevirdilər. Koronavirus adi qrip deyil. Adi qripdən də dəhşətli xəstəlikdir", - deyə cütlüyün oğlu sosial şəbəkədə yazıb.
Məlumat üçün bildirək ki, dekabr ayında Çinin Vuhan əyalətindən bütün dünyaya yayılan koronavirusa bu günədək dünya üzrə 134804 insan yoluxub.
Ən son statistikaya görə xəstəlikdən 4984 nəfər ölüb, 70394 nəfər sağalıb. Ən çox ölüm halları Çin, Cənubi Koreya, İtaliya və İranda baş verir. Ümumdünya Səhiyyə Təşkilatı (ÜST) yeni tip koronavirusu pandemiya elan edib.
