"Hazırkı qeyd etdiyiniz məsələdə bilavasitə tələbin kifayət qədər yuxarı olmasıdır. Dövlət restoranların qiymətinə müdaxilə edə bilməz. Tələb olduğu üçün restoranlar istədikləri qiymətləri müştərilərə təlqin edirlər. Əgər həmin qiymət artımları nəticəsində masalar boş qalarsa, o zaman restoranlar qiymətləri aşağı salacaqlar. Amma restoran sahibləri olmasın, hər hansı bir oxucu olsun. İnsan xidmət təklif edib və bunu istəyən var. 5 manat qiymətə qoyduğu zaman pul ödəyib həmin xidmətdən istifadə edən var, 500 manatlıq xidmətdən istifadə edənlər də var. Bu sadə bir bazar qanunudur".

 

İqtisadçı əlavə edib ki, müşahidə olunan qiymət artımı daha çox paytaxtdakı restoranlarda özünü büruzə verir:

 

"İndi siz gedin baxın, görün regionlardakı restoranlarda da bu qədər baha qiymətlər var? Xeyr, müşahidə edilmir. Çünki regionlarda tələb yoxdur. İnsanlar daha çox yeməyi öz evlərində yeyirlər, iftarını açırlar. Bəzi regionlarda bəzi restoranlar, otellər... Söhbət heç bir turizmi olmayan sıradan bir regiondan, rayondan gedir. Bütün bunların fonunda onu deyə bilərəm ki, hazırkı qiymətlərin artmasının səbəbi cəmiyyətdəki tələbdir".