Bu barədə ailənin tanışlarından biri bildirib ki, qadın, sadəcə, sərbəst yaşamaq üçün bu addımı atıb.

Qadın hazırda öz evində, ailəsinin yanındadır. Onun bu hərəkəti ailə üzvləri tərəfindən söz-söhbətlə qarşılanmayıb. Xumar Sadıqovanın psixoloji durumunda problemlər olub. O, tək yaşamağı qərara alaraq evdən gedib: "Ailəsi onu qəbul edib və Xumar indi evindədir. Onun psixoloji durumu hələ tam yerinə gəlməsə də, qadın doğmalarının yanındadır".

Qadının psixoloji gərginlik keçirdiyini deyən ailənin tanışlarınan biri onun 7 ay sərbəst yaşadığını bildirib. Xumar bu müddət ərzində işləyib. Lakin tanışları onun harada işlədiyini, kimin evində qaldığını açıqlamayıblar.

Qeyd edək ki, sentyabrda itkin düşmüş 1991-ci il təvəllüdlü Xumar Sadıqova ötən gecə paytaxt ərazisində tapılaraq ailəsinə təhvil verilib. Qadının tapılmasında ötən gün onun itkin düşməsi barədə xəbər saytlarında və sosial şəbəkələrdə verilmiş elan xüsusi rol oynayıb. Bu elanı görən X.Sadıqovanı tanıyanlar dərhal polisə zəng edərək onun yerini deyiblər.

Evdən gedərkən heç bir sənəd götürməyən qadın 7 yaşlı oğlunu da aparmayıb.

///publika.az