Xəbər verdiyimiz kimi, 7 iyul 2024-cü il tarixində keçirilmiş qəbul imtahanında II ixtisas qrupu üzrə ən yüksək nəticəni (400 bal) 1 nəfər göstərib.
İmtahanda 400 bal toplayan Xırdalan şəhər 2 saylı orta məktəbin məzunu Novruzova Şəbnəm Ramin qızı hər iki mərhələnin cəminə görə maksimal olan 700 bal yığıb.
Həmin abituriyent imtahanın birinci mərhələsində 300 bal toplayıb.
Modern.az Şəbnəm Novruzova ilə əlaqə saxlayıb.
Abituriyent bildirib ki, imtahan onun üçün əla keçib:
"700 bal toplayacağımı gözləyirdim. Cavablar açıqlananda isə sadəcə qürur hissi keçirdim. Təhsilimi Azərbaycan Diplomatik Akademiyasında Maliyyə ixtisası üzrə davam etdirmək istəyirəm. Gələcəkdə isə magistr təhsilimi xaricdə almağı düşünürəm".
