Kolumbiyada inanılması çətin olsa da, gerçək olay yaşanır. Paytaxt Boqotanın sakini, 82 yaşlı qadının 6 aylıq hamilə olduğu aşkarlanıb.
O, 40 ildən bəri bətnində bir döl daşıyırmış.
Kəskin və dözülməz qarın ağrılarından şikayətlənən yaşlı qadın xəstəxanaya müayinə üçün yollananda şoka düşüb.
Həkimlərin dediklərinə görə, bu ahıl qadının bətnindəki dölün 20-28 həftəlik olduğu güman edilir.
Rentgen müayinəsi həmin dölün daşlaşdığını göstərib.
Həkimlərin bütün israrlarına rəğmən, qadın həmin dölün çıxarılmasına etiraz edib.
"Bu qadın 40 il əvvəl hamilə qalıb. Sonra o, qarnındakı uşağın hərəkət etmədiyini görəndə uşağı düşürdüyünü, hamiləliyin yarımçıq bitdiyini düşnüb. Üstəlik, qadının qarnında hər hansı formada genişlənmə olmadığından daşlaşan döl 40 il bətndə qalıb", - Boqotadakı "Tunjuelito Hospital"ın baş ginekoloqu Kemer Ramires deyib.
Çox nadir olay 2009-cu ildə Çində də olmuşdu. 92 yaşlı qadın 60 il boyunca bətnində ölü döl daşımışdı.(milli.az)
