Atasının Qarabağ müharibəsi iştirakçısı olduğunu xatırladan 13 yaşlı erməni qızı müharibə istəmədiyini, amma müharibə başlayacağı təqdirdə valideynlərinə kömək edəcəyini, Qarabağın Azərbaycana məxsus torpaqlaq olmadığını vurğulayıb.
Xankəndi şəhərinin yeniyetmə sakininin bu müraciətinə Azərbaycan Respublikası Prezidenti Administrasiyasının Siyasi təhlil və informasiya təminatı şöbəsinin rəhbəri Elnur Aslanov cavab verib.
Məktubu aşağıdakı linkdə oxuya bilərsiniz:
(https://azxeber.com/index.php?option=com_content&view=article&id=8016:13-yal-ermni-qzn-lham-liyev-yazd-mktuba-azrbaycan-trfi-cavab-verib-tam-mtn&catid=98:azrbaycan&Itemid=510)
AZXEBER.COM portalı məsələ ilə bağlı gənc fəal, jurnalist, teleaparıcı Turan İbrahimovun münasibətini də, öyrənib. T.İbrahimov Erməni gənclərinin bu cür düşüncələrinin heçdə təəccüb doğurmadığını söyləyib: “Sözü gedən məktub bir daha onu göstərir ki, ermənilər heç bir vəcdlə öz mənfur xislətlərindən əl çəkməyiblər və heç əl çəkmək niyyətində də deyillər. Onlar hər zaman olduğu kimi yenə öz yeni nəsillərini təhrif edilmiş, zəhərli tarixi-ideoloji informasiyaları ilə yükləyirlər. Düşünürəm ki, prezident administrasiyasının həmin məktuba olduqca səmimi və informasiya dolu cavabı olduqca yerindədir. Çünki, erməni tərəfinin bu addımının kökündə əslində informasiya savaşı durur”.
Jurnalist, Dalğa Gənclər Hərəkatına da, cavab verib: “Özlərini həvəslə və fədakarcasına erməni vəkilləri kimi aparan Dalğa GH və digər “ultra liberallar” bu məktubu diqqətlə oxuyub öz yanlış mövqelərinin bir daha şahidi ola bilərlər”.
