Avropa Birliyi (AB) İsrail və Livan arasında atəşkəs razılaşmasının davamlı sülh və təhlükəsizliyin bərqərar olması üçün vacib bir fürsət olduğunu bildirib və tərəfləri razılaşmanın şərtlərinə tam əməl etməyə çağırıb.
AZXEBER.COM xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Kaya Kallasın AB adından verdiyi yazılı açıqlamada deyilir.
Açıqlamada bütün hərbi fəaliyyətlərin dərhal dayandırılmasının vacibliyi vurğulanıb, "Hizbullah”ın Litani çayının cənubundan, İsrailin də Livan ərazisindən geri çəkilməsi tələb olunub.
