ABŞ yüzdən çox qanunsuz miqrantı Hindistana deportasiya edib.
Pəncab ştatının rəsmiləri C-17 hərbi təyyarəsində ən azı 104 Hindistan vətəndaşının olduğunu bildiriblər.
Onlar Amritsar şəhərinə Amerika hərbi təyyarəsi ilə çatdırılıblar. Deportasiya edilənlərin əksəriyyəti Qucarat, Maharaştra və Pəncab ştatlarından olan şəxslərdir.
Adı açıqlanmayan ABŞ rəsmisinin məlumatına görə, uçuş bu cür əməliyyatlar üçün hərbi nəqliyyat vasitələrindən istifadə çərçivəsində ən uzunməsafəli uçuş olub.
Bir neçə gün əvvəl 200-dən çox Hindistan vətəndaşının deportasiya edildiyi barədə məlumat verilmişdi. Mənbələrin bildirdiyinə görə, bu, ABŞ-də qalma qaydalarını pozan hindistanlıların deportasiyası üçün təşkil ediləcək "çoxsaylı reyslər"dən birincisi olub.
///report
