ABŞ-nin Texas ştatında leysan yağışlar və Qvadalupe çayının səbəb olduğu daşqınlar nəticəsində ölənlərin sayı artıb.
AZXEBER.COM xəbər verir ki, məlumata görə, Kerr qraflığında 43 nəfər, Burnet dairəsində 3 nəfər, Travis qraflığında 4 nəfər ölüb.
Yay düşərgəsində olan 20-dən çox qız da daxil olmaqla onlarla insan itkin düşüb.
Texas qubernatoru Qreq Ebbott daha öncə 850-dən çox insanın təxliyə edildiyini bildirmişdi. ABŞ Prezidenti Donald Tramp federal hakimiyyət orqanlarının daşqının nəticələrinin aradan qaldırılmasında dövlət qurumlarına yardım etdiyini bildirib.
\"Qafqazinfo”
