ABŞ-də Ağ Evin süni intellekt üzrə yeni işçi qrupu dörd ay ərzində texnologiyanın riskləri və imkanları barədə hesabat hazırlayacaq.
Bu barədə "The Wall Street Journal” (WSJ) məlumat yayıb.
ABŞ prezidenti Donald Trampın təşəbbüsü ilə yaradılan işçi qrupuna ABŞ Milli Kəşfiyyatının direktoru Cey Kleyton rəhbərlik edir. Kleyton bildirib ki, qrupun əsas məqsədi ABŞ-nin süni intellekt və superintellekt sahəsində liderliyini qorumaq və ölkə vətəndaşlarının maraqlarını ön planda saxlamaqdır.
WSJ-nin Ağ Evdəki mənbəsinin sözlərinə görə, bu, faktiki olaraq Kleytonun ABŞ-də süni intellektin inkişafına cavabdeh şəxsə çevrilməsi deməkdir.
Nəşrin məlumatına görə, işçi qrupu süni intellektdən yarana biləcək risklərin ilk növbədə sənaye nümayəndələri tərəfindən idarə olunması yanaşmasından çıxış edəcək. Kleyton qanunvericiliyin araşdırılacağını və ABŞ Konqresinin görə biləcəyi tədbirlərin müzakirə ediləcəyini bildirib.
İşçi qrupunun nizamnaməsinə əsasən, süni intellektlə bağlı ictimai təhlükələrə cavab planları hazırlanacaq. Bununla yanaşı, innovasiya və rəqabətə mane ola biləcək həddindən artıq tənzimləmənin qarşısının alınması nəzərdə tutulur.
///teleqraf///
