İsrail mətbuatı ABŞ ilə bağlı yeni iddianı gündəmə gətirib.
AZXEBER.COM xəbər verir ki, İsrail mediası bildirib ki, İsrail qurudan hücuma hazırlıq məqsədilə Qəzza zolağının cənubundakı Rəfahdan fələstinlilərin təxliyəsi planını rədd edib.
ABŞ dövlət katibi Antoni Blinken və milli təhlükəsizlik üzrə müşaviri Ceyk Sullivan İsrailin strateji işlər naziri Ron Dermer və Milli Təhlükəsizlik Şurasının sədri Tzachi Hanegbi də daxil olmaqla hər iki ölkənin rəsmiləri İsrailin Rəfaha qurudan hücumu əvəzinə Vaşinqton administrasiyasının alternativ təkliflərini müzakirə ediblər.
Blinken rişxəndlə İsrail rəsmilərinə "Humanitar yardımın çatdırılmasında işinizin sürətinə görə, Rəfahın boşaldılması 4 ay çəkəcək” deyib.
İsrail naziri Dreamer də HƏMAS-ın Rəfaha daxil olmadan dağıla bilməyəcəyini və bunun müharibənin məqsədlərinə çatması üçün keçilməz şərt olduğunu iddia edib.
Təxminən iki saat davam edən görüşün sonunda Ağ Ev adından verilən birgə bəyanatda İsrailin ABŞ-nin Rəfaha qurudan hücumla bağlı narahatlığını nəzərə alacağı bildirilib.
ABŞ rəhbərliyi tez-tez təxminən 1,5 milyon fələstinlinin sığındığı Rəfaha qurudan hücuma qarşı olduğunu bildirir. İsrail isə ABŞ-nin etirazlarına baxmayaraq, Rəfaha qurudan hücuma keçəcəyini bildirir.
İsrailin baş naziri Benyamin Netanyahu aprelin 1-də keçirdiyi mətbuat konfransında ordunun Rəfaha qurudan hücumunu təsdiqlədiyini açıqlayıb.
Ayşən
