Bu barədə "The New York Times” yazıb.
Nəşrin məlumatına görə, ABŞ vitse-prezidenti Cey Di Vens yaz və yay aylarında Yaxın Şərq, Avropa və Asiyada yerləşən amerikalı zabitlərlə şəxsən görüşüb. O, qoşunların silah-sursat ehtiyatları və Yaxın Şərqə silah tədarükünün ABŞ ordusunun Çin, Rusiya və Şimali Koreyanı çəkindirmək imkanlarına necə təsir göstərəcəyi ilə bağlı hərbçilərin real qiymətləndirmələrini dinləyib.
Nəşr yazır ki, ekspertləri ən çox "Patriot” hava hücumundan müdafiə sistemləri üçün nəzərdə tutulan raketlərin tükənməsi narahat edib. Yazın sonuna olan məlumata görə, hərbi əməliyyatların getdiyi məkanlardan birində 100-dən az belə raket qalıb.
