Ağ Ev lideri Donald Tramp ABŞ-nin İrana planlaşdırılan maliyyəni verəcəyi barədə yayılan məlumatların tamamilə yalan olduğunu bildirib.
AZXEBER.COM xəbər verir ki, o bu barədə "Truth Social" şəbəkəsində qeyd edib.
"İran heç vaxt nüvə silahına sahib olmamağa razılıq verib. Həmçinin, ABŞ-nin İrana 300 milyon dollar ödəməsi xəbəri demokratlar tərəfindən yayılan saxta məlumatlardır" - Ağ Ev lideri deyə paylaşımında bildirib.
Qeyd edək ki, D.Tramp 300 milyon dollarlıq ödəniş barədə yazsa da, bundan əvvəl bəzi kütləvi informasiya vasitələri İranın ölkənin bərpası üçün nəzərdə tutulan 300 milyard dollarlıq fonda çıxış əldə edə biləcəyi barədə xəbərlər dərc etmişdilər.
