ABŞ-nin müdafiə naziri Pit Heqset Quantanamo həbsxanasını mühacirlər üçün mükəmməl yer hesab edir.
AZXEBER.COM Qərb mediasına istinadən xəbər verir ki, Heqset bunu "Fox News” telekanalında yayımlanan "The Will Cain Show” proqramında deyib.
Heqset miqrantların deportasiya edilənə qədər Quantanamo həbsxanasında müvəqqəti olaraq saxlanılacağını bildirib.
2004-2005-ci illər arasında Quantanamoda xidmət etdiyini deyən Heqset 30 min nəfərin yerləşdirilməsi üçün kifayət qədər tutumun olduğunu qeyd edib.
Heqset qeyd edib ki, Quantanamoda "Əl-Qaidə” və "Taliban” üzvlərinin saxlandığı "5 və 6-cı düşərgə” adlanan obyektlər, digər tərəfdə isə miqrant və qaçqınların öz ölkələrinə geri göndərilməsinə qədər saxlanılan bölmə var.
Qeyd edək ki, ABŞ-Meksika sərhədində təhlükəsizlik tədbirlərini artırmaq üçün Tramp yeni sərəncam imzalayıb və sərhədə əlavə 1500 əsgər göndərib.
Tramp həmçinin Quantanamo həbsxanasında ölkəyə qeyri-qanuni yollarla daxil olmuş mühacirləri saxlamaq üçün 30 min nəfərin saxlanacağı müəssisənin hazırlanması barədə göstəriş verib.
Mikayıl
