ABŞ-də müstəqil Vermont senatoru Bernie Sandersin başçılıq etdiyi 8 senatordan ibarət qrup prezident Co Baydenə məktub göndərərək onu İsrailə silah tədarükünü dayandırmağa çağırıb.
AZXEBER.COM xarici mediaya istinadən xəbər verir ki, müharibə başlayandan bəri İsrailin tərəfində olan ABŞ-dən müxtəlif açıqlamalar gəlməyə davam edir.
Bernie Sandersdən başqa ABŞ Senatının 7 demokrat senatoru ABŞ Prezidenti Co Baydenə imzalı məktub göndərərək Qəzza məsələsi ilə bağlı siyasi çağırışlar ediblər.
Senatorlar məktubda İsrail administrasiyasının humanitar yardımın Qəzzaya çatmasına mane olduğunu və bunun müvafiq beynəlxalq müqavilələri kökündən pozduğunu vurğulayıblar.
ABŞ-nin üçüncü ölkələrə silah satışında "humanitar yardımı əngəlləyən ölkələr dəstəklənə bilməz” deyən müvafiq qanuna toxunan senatorlar İsrailə silah tədarükünün dərhal dayandırılmasını istəyiblər.
Ayşən
