ABŞ Ukraynanın yeni hücuma başlaya biləcəyinə ümid edir.
Bu barədə ABŞ prezidentinin milli təhlükəsizlik üzrə köməkçisinin müavini Conatan Fayner "Aspen" Təhlükəsizlik Forumunda çıxışı zamanı deyib.
O bildirib ki, ABŞ və onun müttəfiqləri Ukraynanın yeni hücuma başlaya bilməsi Rusiya ilə əlverişli danışıqlar mühitinin təmin olunması üçün Kiyevə silah-sursat verməyə səy göstərir.
"Biz istərdik ki, ukraynalılar gələn ilin sonunda elə bir mövqedə olsunlar ki, Rusiya qərar versin: Ukrayna üçün məqbul şərtlərlə danışıqlar masasına otursun, ya da daha güclü Ukrayna ilə qarşılaşsın”, - C.Fayner söyləyib.
Onun sözlərinə görə, Ukrayna yeni hücuma keçə biləcək.
ABŞ Prezidenti köməkçisinin müavini bunu Vaşinqton və Avropa İttifaqının (Aİ) daha güclü sənaye bazası ilə əlaqələndirib: "Bu, Ukraynanın imkanlarını artıracaq. Ağ Ev Ukraynanın müdafiə sənayesinin inkişafı üzərində işləyir”.
Qeyd edək ki, ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi daha əvvəl ölkəsinin Ukraynaya yardımın bir neçə həftəyə tükənəcəyi barədə xəbərdarlıq etmişdi.
Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb. Ukrayna bu ilin iyununda əks-hücum əməliyyatları keçirir. Rəsmi Kiyevin mövqeyinə görə, Ukraynanın ərazi bütövlüyü tam təmin olunmadan müharibə başa çatmayacaq. Ukrayna Prezidenti Volodimir Zelenski daha əvvəl bildirmişdi ki, Qərb dəstəyi dayandırsa, ölkəsi geri çəkiləcək. V. Zelenski əks-hücum əməliyyatının uğursuz olduğunu etiraf edib.
///Report
