Ağcabədidə yanğın, heyvanlar tələf oldu, qadın xəsarət aldı

Ağcabədidə yanğın, heyvanlar tələf oldu, qadın xəsarət aldı
HADİSƏ
20:31 30.08.2025
528
Ağcabədidə fərdi təsərrüfatda tələfatla nəticələnən yanğın baş verib. 

AZXEBER.COM "Report"a istinadən xəbər verir ki, hadisə rayonun Təzəkənd kənd sakini Həziyev Müzəffər Ənvər oğluna məxsus təsərrüfatda qeydə alınıb. 

Yanğını söndürməyə çalışan 1958-ci il təvəllüdlü Məmmədova Kifayət Əlif qızı müxtəlif dərəcəli yanıq xəsarətləri alaraq Ağcabədi Mərkəzi Rayon Xəstəxanasına çatdırılıb. 

Hadisə nəticəsində doqquz tona yaxın ot kipindən səkkizi yanıb. Həmçinin yanğın zamanı tövlədə olan 8 baş iribuynuzlu heyvan yanaraq tələf olub. 

Hadisə yerinə cəlb edilən FHN-nin Ağcabədi rayon yanğınsöndürmə bölməsinin əməkdaşları yanğını söndürərək tövlədə olan digər heyvanların tələf olmasının və alovun yaxınlıqdakı tikililərə keçməsinin qarşısını alıblar.

Faktla bağlı araşdırma aparılır.
OXŞAR XƏBƏRLƏR