AccessBank-ın Access2Success layihəsi çərçivəsində təlimlərə başlanıldı.
AZXEBER.COM xəbər verir ki, sahibkarlığa ilk addımlarını atan qadınların inkişafına yönəlmiş layihədə iştirak üçün 100-ə yaxın namizəd müraciət edib. Onlardan tələblərə cavab verən 50 nəfər təlimlərə qatılmaq hüququ əldə ediblər. Hazırda Bakı və regionları təmsil edən qadın sahibkarlar biznesin strateji inkişafı, böhran dönəmində idarəçilik, dövlət qurumlarına hesabatların verilməsi, satış, ənənəvi və rəqəmsal marketinq, elektron ticarət (e-commerce), kadrların idarə edilməsi, biznesə nəzarət və s. kimi mövzularda ekspertlərdən təlimlər alırlar.
Access2Success layihəsi AccessBank-ın əsas səhmdarı olan Asiya İnkişaf Bankının dəstəyi ilə keçirilir.
Qeyd edək ki, Azərbaycanda mikromaliyyələşdirmə lideri olan AccessBank qadın sahibkarlar üçün rəqabətli biznes mühitinin təkmilləşdirilməsi ilə bağlı təlimlərini artıq ikinci dəfədir ki, həyata keçirir. Ötən ildən həyata keçirilən layihədə Bankın məqsədi mikro, kiçik və orta biznesləri idarə edən və onları genişləndirmək niyyətində olan xanımları dəstəkləməkdir.
