Ağdamda qadın həyat yoldaşının ikinci arvadı və öz qızı tərəfindən döyülüb.
APA-nın Qarabağ bürosundan bildirilib ki, hadisə köçkünlər üçün salınmış "Dördyol-1” qəsəbəsində baş verib. Ağdam Mərkəzi Rayon Xəstəxanasına çatdırılan qəsəbə sakini 1976-cı il təvəllüdlü Məmmədova İlhamə Mehman qızı həyat yoldaşının ikinci arvadı və öz qızı tərəfindən döyüldüyünü bildirib.
Xəstəxanadan verilən məlumata görə, İ. Məmmədovaya qapalı kəllə-beyin travması diaqnozu qoyulub həyati təhlükəsi yoxdur.
Faktla bağlı Ağdam Rayon Polis Şöbəsində araşdırma başlanıb.
