Bizim tarixi-dini abidələrimiz ölkəmizdə zəngin ənənələrə malik olan tolerantlıq mühitinin ifadəsidir.
AZXEBER.COM xəbər verir ki, bu sözləri mədəniyyət naziri Adil Kərimli Mədəniyyət Nazirliyi və Dini Qurumlarla İş üzrə Dövlət Komitəsinin birgə təşkilatçılığı ilə "Tarixi-dini abidələrin qorunması: çağırışlar və perspektivlər” mövzusunda keçirilən mətbuat konfransı zamanı deyib.
Azərbaycanda multikultural dəyərlər, tolerantlıq mühiti tarixən formalaşıb və burada özünü göstərir. Qədim dövlətçilik ənənələrimizin mahiyyətindən irəli gələn bu dəyərlər Azərbaycan dövlətinin həyat tərzində və dövlət siyasətində öz əksini tapıb. Cənab Prezidentin ifadə etdiyi kimi, bu, bizim həm həyat tərzimiz, həm də dövlət siyasətimizdir.
Ümummilli lider Heydər Əliyev hər zaman multikultural dəyərlərin ölkəmizdə qorunmasına, onlara həssas yanaşılmasına, tolerantlıq mühitinin daim formalaşdırılmasına və daha da inkişaf etdirilməsinə istiqamətində çoxşaxəli fəaliyyət göstərib.
Bu gün də dövlətimiz tərəfindən bu istiqamətdə həm dövlət siyasəti, həm də cəmiyyətdə insanların həyat tərzi baxımından çox fərqli yanaşmalar və yeni modellər tətbiq olunur.
Şahanə
