İstanbul Respublika Prokurorluğunda Adnan Oktarın da arasında olduğu 226 şübhəli haqda iddianamə hazırlayıb.
Adnan Oktarın cəsusluq, qruqlaşmaq yaratmaq, cinsi təcavüz və hədələmək maddələri ilə 870 il həbsi tələb edilib.
125 nəfər zərərçəkmişin yer aldığı iddianamədə 23 nəfər də şahid qismində dindirilib.
Məlum olub ki, Adnan Oktarın başçılıq etdiyi silahlı qruplaşmanın içərisində 13 nəfər yönləndirici şəxs var.
Ümumilikdə 171 həbs edilən və 226 şübhəlinin olduğu iddianamədə onlara qarşı qaldırılan maddələr aşağıdakılardır:
"Siyasi və hərbi cəsusluğa təşəbbüs, cinayət məqsədilə qruplaşma yaratmaq və idarə etmək, cinayətkar qruplaşmalara üzv olmaq, onlara yardım etmək, cinsi istismar, cinsi təcavüz, təhsil haqqının əngəllənməsi, şantaj, əziyyət, azadlıqdan məhrum etmə, qanunsuz yolla əldə edilmiş gəlirlərin dövlətdən gizlədilməsi, rüşvət, korrupsiya, telefon danışıqlarının dinlənilməsi, yazılması, fırıldaqçılıq, hədələmə, şəxsi məlumatların oğurlanması, qəsdən adam öldürməyə təşəbbüs, sialhlı qruplaşmaya kömək etmək, rəsmi sənədləriyox etmək, gizlətmək, sənədlərdə saxtakarlıq”.
Qeyd edək ki, məsələyə bundan sonra məhkəmə baxacaq.
///Axşam.az
