"Yeşilçam"ın ulduzu Ahu Tuğba 69 yaşında ABŞ-ın Mayami şəhərindəki evində dünyasını dəyişib.
AZXEBER.COM Türkiyə mediasına istinadən xəbər verir ki, Tuğbanın 2013-cü ildə ağciyər xəstəliyi zamanı vəsiyyətini hazırladığı məlum olub.
Bir müddətdir ağır dərəcəli astma ilə mübarizə aparan sənətçi dünyasını dəyişərkən evdə qızı Anjelikin olduğu öyrənilib. Anası dünyasını dəyişəndən sonra Anjelik evə polis çağırıb.
Ustad aktyorun ölüm xəbərini açıqlayan Film-San Vəqfi baş direktoru Kıvanç Terzioğlu Ahu Tuğbanın cənazəsinin Mayamidən İstanbula gətirilməsi üçün bələdiyyə bölmələri ilə əlaqə saxlandığını açıqlayıb.
Digər tərəfdən Ahu Tuğba 2013-cü ildə keçirdiyi ağciyər xəstəliyinin müalicəsi zamanı vəsiyyətini hazırladığını və orqanlarını bağışladığını bildirib. Vəsiyyətnaməsinin məzmununu açıqlamayan Tuğba bu ifadələrdən istifadə edib:
"Ağciyərim çıxarılacaqdı. Əməliyyata gedirdim. Qızıma əməliyyat olacağımı demədim, Bodrumdakı evimdə yatıram dedim. Anesteziya qadağan olduğu üçün vəsiyyətimi yazdım. Əməliyyata gedən gün birbaşa notariusa zəng etdim. Mənə vəsiyyətnamə yazmışdılar. Orqanlarımı da bağışladım. Əməliyyatdan sonra yaşayacağımı, ya öləcəyimi bilmirdim. Ən böyük qorxum qızımı bir daha görə bilməmək idi. Mən ölümdən qorxmurdum. Köçürülərkən qızım Bodruma gəldi. Bodrumda olduğumu zənn etdi. Həyatımda ilk dəfə qızıma yalan danışdım. Onun bunları hiss edib gəlməsi möcüzə idi. Həyatda qalmağıma və mənim əməliyyat olunmağıma mane olan qızım idi. Həkimim dedi ki, əməliyyata ehtiyac yoxdur".
Oksana
