AZXEBER.COM ARB TV-yə istinadən xəbər verir ki, bədbəxt hadisə rayonun Kür qəsəbəsində baş verib.
Nizami küçəsində yaşayan 53 yaşlı Gülnarə Bayramovanın halı vanna otağında pisləşib. Gəlini 18 yaşlı Rəvanə Novruzəliyeva ona yardım etmək istəyib. Bu zaman o da dəm qazından zəhərlənib.
Gülnarə Bayramova vanna otağında dünyasını dəyişib. Rəvanə Novruzəliyeva isə Şəmkir Rayon Mərkəzi Xəstəxanasının Reanimasiya şöbəsinə aparılıb. Ona lazımi tibbi yardım göstərilib.
Ayaz Orucov- həkim: "Şəmkir Rayon Mərkəzi Xəstəxanasının təcili tibbi yardım avtomobili ilə Kür qəsəbəsi sakini dəm qazı zəhərlənməsi diaqnozu ilə daxil olub. Daxil olarkən xəstənin vəziyyəti ağır idi. Xəstəyə reanimason tədbirlər həyata keçirilib. Vəziyyəti orta-ağır olaraq qalıb”.
