Bəzi insanlar qarşısındakı şəxsin danışdıqlarına inanmış kimi görünsələr də, əslində deyilən hər sözə inanmırlar. Səs tonundakı dəyişikliklər, qaçan baxışlar və bir-birini tutmayan detalları tez fərq edən bu insanlar çox vaxt susmağa üstünlük verirlər.
Astroloq Amira Soofinin şərhlərinə görə, Qız, Əqrəb, Tərəzi və Xərçəng bürclərini aldatmaq heç də asan deyil. Onların reaksiya verməməsi baş verənləri anlamadıqları deyil, qarşı tərəfi diqqətlə müşahidə etdikləri anlamına gələ bilər.
Qız bürcü ən kiçik uyğunsuzluğu belə tutur
Qız bürcü detallara verdiyi önəm və güclü müşahidə qabiliyyəti ilə seçilir. Söhbət zamanı dəyişən ifadələri, əvvəlki sözlərlə ziddiyyət təşkil edən cümlələri və insanların çoxunun əhəmiyyət vermədiyi kiçik davranışları belə fərq edə bilər.
Qız üçün insanın yalnız nə söylədiyi deyil, danışarkən necə davrandığı da önəmlidir.
Lakin fərq etdiyi hər uyğunsuzluğu dərhal dilə gətirməməsi onun asanlıqla aldandığı təəssüratı yarada bilər. Əslində isə Qız bürcü bəzən mübahisəyə dəymədiyini düşündüyü üçün susur, bəzən də əldə etdiyi məlumatları beynində təhlil etməyə üstünlük verir.
DanışmaAldatmaq asan deyil: Bu 4 bürc yalanı və gizlədilənləri tez hiss edirğa qərar verdikdə isə adətən konkret və detallı ifadələrdən istifadə edir. Əvvəlki söhbətləri xatırlaması və hadisələr arasındakı əlaqələri qurması onun hazırlıqsız yaxalanmasını çətinləşdirir.
Əqrəb sözlərdən çox gizlədilənlərə baxır
Əqrəb bürcü güclü intuisiyası və müşahidə qabiliyyəti ilə seçilir. Ətrafdakı gərginliyi, səs tonundakı dəyişiklikləri və danışılmaq istənilməyən detalları tez hiss edə bilər.
Sözlər nə qədər inandırıcı səslənsə də, qarşısındakı insanın davranışları başqa məna verirsə, Əqrəb bunu gözdən qaçırmır.
Şübhələndiyi zaman dərhal reaksiya vermək əvəzinə müşahidəni davam etdirməyə üstünlük verə bilər. Qarşı tərəfə nə düşündüyünü göstərmədən daha çox məlumat toplamağa çalışır.
Güclü yaddaşı və səbri sayəsində Əqrəb əvvəlki söhbətləri və davranışları müqayisə edə bilər. Qarşısındakı insan onu aldatdığını düşündüyü anda Əqrəb əslində söhbətin arxasındakı niyyəti artıq anlamış ola bilər.
Tərəzinin sakit davranışı aldadıcı ola bilər
Tərəzinin nəzakətli, sakit və uzlaşmacı davranışı bəzən sadəlövhlük kimi qiymətləndirilə bilər. Mübahisəni böyütməməsi və qarşısındakı insanı dərhal ittiham etməməsi onun heç nəyi fərq etmədiyi düşüncəsini yarada bilər.
Lakin astroloji şərhlərə görə, Tərəzi sosial münasibətlərdəki tarazlığı və insanların davranışlarını diqqətlə müşahidə edən bürclərdən biridir.
Tərəzi insanların bir-birinə münasibətinə, söhbət zamanı kimin geri çəkildiyinə və hansı sözün mühitdəki atmosferi dəyişdirdiyinə diqqət yetirə bilər.
Həqiqəti anladıqda belə, bunu dərhal büruzə verməyə bilər. Problemi birbaşa ortaya qoymaq əvəzinə söhbətin istiqamətini dəyişdirə və ya fərqli suallar verərək qarşısındakı şəxsin özünü ələ verməsini gözləyə bilər.
Xərçəng də aldadılması çətin bürclər arasındadır
Astroloji şərhlərdə Xərçəng də insanları və onların davranışlarını tez hiss edən bürclərdən biri kimi göstərilir. Güclü hissiyyatı sayəsində qarşısındakı insanın sözləri ilə davranışları arasındakı fərqi sezə bilər.
Xərçəng şübhələndiyi zaman bunu dərhal üzə çıxarmaya bilər. Qarşı tərəfi müşahidə edərək vəziyyəti özü üçün dəqiqləşdirməyə üstünlük verə bilər.
Beləliklə, astroloji yanaşmaya görə, Qız, Əqrəb, Tərəzi və Xərçəng bürclərinin sakit görünməsi onların hər şeyə inandıqları anlamına gəlmir. Əksinə, bu bürclərin yalanı və gizlədilən detalları səssiz şəkildə analiz etdiyi iddia olunur.
/Demokrat.az
