"WhatsApp” istifadəçilərin foto və videolardan hazırladıqları stikerlərə səs əlavə etməyə imkan verən yeni funksiyanı və yenilənmiş mesaj yazma sahəsini sınaqdan keçirməyə başlayıb.
Yeniliyə əsasən, istifadəçilər statik şəkillərdən hazırladıqları stikerlərə 10 saniyəyədək səs yazısı və ya hazır audio faylı əlavə edə biləcəklər. Stikeri qəbul edən şəxs xüsusi işarəyə toxunaraq səsi dinləyə biləcək.
Videolardan hazırlanan hərəkətli stikerlərə isə ilkin mərhələdə videonun ilk 5 saniyəsinə aid orijinal səsin əlavə edilməsi nəzərdə tutulur. Bundan başqa, stikerləri çərçivəsiz, daha sadə dizaynda paylaşmaq imkanı da olacaq.
"WhatsApp” mesaj yazma sahəsinin dizaynını da dəyişməyi planlaşdırır. Yeni tərtibatda mətn yazılan hissə yuxarı sətirdə, əlavə idarəetmə ikonları isə aşağı sətirdə yerləşəcək. Bununla mesajlaşma sahəsinin daha rahat və istifadəyə yararlı olması hədəflənir.
Hər iki funksiya hazırda hazırlanma və sınaq mərhələsindədir. Onların bütün istifadəçilər üçün nə vaxt əlçatan olacağı hələ açıqlanmayıb.
///lent///
