“Əlbəttə, hicab – bizim dinimizin əmrlərindən biridir və mən onun qadağası ilə razılaşa bilmərəm. Amma iş orasındadır ki, bu belə qadağa deyildi, məsələ vahid məktəbli formasının tətbiqində idi. Vahid məktəbli forması dünyanın bir çox ölkələrində mövcuddur, bizdə də tətbiq edilir və hicab ona tam əlavə edilə bilərdi”, – deyə A.Paşazadə Bakıda Fransa səfiri Qabriyel Kellerlə görüşdə bildirib.

Qafqaz müsəlmanlarının dini liderinin fikrincə, “müəyyən qüvvələr vahid məktəbli forması məsələsini siyasi müstəviyə keçirməyi çox istəyir”.

A.Paşazadənin sözlərinə görə, Azərbaycanda vəziyyətin pozulmasında maraqlı olanlar “vəziyyəti pisləşdirməyə başladılar, hazırda sosial bazaya malik olmayan ölkə müxalifəti vəziyyətdən istifadə edərək əhalinin inanclı hissəsini bayraqlar altına cəlb etməyə hazırdır”.

Eyni zamanda, dini lider bir daha vurğulayıb ki, hicab taxılmasına rəsmi qadağa olmayıb və ölkə prezidenti İlham Əliyev “hər zaman inanclıların ehtiyaclarına diqqətlə yanaşıb”.

//ANS Press