Almaniyadan deportasiya olunan qaçqınların olduğu təyyarə Leypsiqdən İraqın paytaxtı Bağdada yola düşüb.
Almaniyanın DPA agentliyinin məlumatına görə İraq vətəndaşları polis avtomobillərinin müşayiəti ilə hava limanına gətirilib.
Lakin agentlik təyyarədə olan sərnişinlərin ümumi sayı barədə məlumat verməyib. Almaniyanın Daxili İşlər Nazirliyi hələlik məsələ ilə bağlı rəsmi açıqlama verməyib.
Bildirilib ki, bu, artıq bir həftə ərzində ikinci deportasiya reysidir. İyulun 18-də göyərtəsində 81 Əfqanıstan vətəndaşı olan təyyarə isə Kabilə uçub.
Deportasiya olunanların hamısı Almaniyada cinayət törətməkdə təqsirli bilinib.
/APA
