Almaniyanın cənub-qərbində avtobusun bir qrup piyadanı vurması nəticəsində bir nəfər ölüb, 10 nəfər yaralanıb.
Bu barədə SWR teleradio şirkəti məlumat yayıb.
Məlumata görə, İsveçrə sərhədi yaxınlığındakı Vayl-am-Reyn (Baden-Vürtemberq federal torpağı) şəhərində gün ərzində avtobus bir neçə avtomobillə toqquşub və səkiyə çırpılıb.
Hadisə nəticəsində 34 yaşlı qadın ölüb, yaralanan 10 nəfərdən üçü xəstəxanaya yerləşdirilib.
Yol-nəqliyyat hadisəsinin səbəbi hələ məlum deyil, polis bunu terror aktı deyil, qəza kimi qiymətləndirir.
/report
