Almaniyanın Karlsrue yaxınlığındakı Linkenheim-Hochstetten şəhərində kiçik təyyarənin qəzaya uğraması nəticəsində iki nəfər həlak olub.
AZXEBER.COM xəbər verir ki, polis Rheinstetten-dən havaya qalxan kiçik təyyarənin itməsi və təyyarənin qalıqlarının Linkenheim-Hochstettendəki gölməçənin yaxınlığında tapılmasından sonra helikopter yardımı ilə axtarış-xilasetmə işlərinə başlanıldığını açıqlayıb.
Xilasetmə qrupunun əraziyə gediş-gəliş çətin olduğundan əraziyə nəqliyyat vasitələri ilə deyil, piyada çatdığı bildirilib.
Polis 2 pilotun həyatını itirdiyi barədə məlumat paylaşıb. Bildirilib ki, qəzanın səbəbləri ilə bağlı araşdırmalar davam edir.
Ayşən
