Azərbaycan Milli Elmlər Akademiyasının (AMEA) həyətində bir müddətdir davam edən tikinti işləri cəmiyyətdə müzakirələrə səbəb olub.
AZXEBER.COM "Modern.az"a istinadla xəbər verir ki, elm ocağının həyətinin "çayxana söhbətlərinin” məkanına çevrilməsi ictimaiyyət tərəfindən birmənalı qəbul edilməyib.
Qeyd olunub ki, ölkənin intellektual inkişafına töhfə verən bir qurumun ərazisində belə obyektin yaradılması elmi mühitin mahiyyətinə və ictimai gözləntilərə ziddir.
Məsələ ilə bağlı AMEA Mətbuat Xidmətindən Oxu.Az-a bildirilib ki, ərazidə heç bir tikinti işi aparılmır.
"Bəzi informasiya vasitələrində AMEA-nın əsas binasının həyətində obyekt tikilməsi barədə yayılmış xəbər həqiqəti əks etdirmir. Sözügedən ərazidə hər hansı bir obyektin tikilməsi nəzərdə tutulmayıb. Göstərilən ərazidə təmizlik və abadlıq işləri aparılıb", - deyə məlumatda bildirilir.
