Amerikalı məşhur reper İslam dinini qəbul etdi

Pul və şöhrət içində həyat xəyal etdiyini dilə gətirən ABŞ vətəndaşı, keçmiş repçi xoşbəxtliyini yalnız İslam dinində gördüyünü açıqlayıb. “Deyerler.org”un "Dünyabulteni"nə istinadən verdiyi xəbərə görə, Chauncey Lamont Havkins uzun axtarışlardan sonra xoşbəxtliyi İslam dinində tapdığını dilə gətirib. “Mən həyatımın hər anında pul və şöhrət dolu bir yaşam xəyal etdim. Xoşbəxtliyin qazanılan pul və əldə edilən şöhrətlə dadılacağını düşünürdüm, lakin bunların yalnış olduğunu başa düşdüm. Nəhayət, xoşbəxtliyin mənbəyini tapdım. Bu, İslam idi”, -deyə Havkins qeyd edib. Əvvəllər bahalı maşınlara və almazlara sahib olduğunu və dünyanın bir çox yerini gəzdiyini deyən amerikalı repçinin sözlərinə görə, bütün bunlara sahib olmasına baxmayaraq, daxili hüzursuzluğu və xoşbəxtlik tapa bilməməsi davam edib. Nəhayət, öz huzurunu və axtardığını İslamda tapıb.İslami həyat tərzinə çox qısa müddətdə öyrəşən amerikalı repçi gün ərzində qıldığı namazların könül hüzurunun artmasına səbəb olduğunu deyib. Eyni zamanda müsəlman olduqdan sonra adını Amir Junaid Muhadis olaraq dəyişdirdiyini də qeyd edib.