Rusiyanın İrkutsk vilayətinin Bratsk şəhərində 31 yaşlı qadın iki övladını öldürüb.
Rusiya İstintaq Komitəsinin yerli idarəsinin açıqlamasında bildirilir ki, qadın törətdiyi əməl barədə özü hüquq-mühafizə orqanlarına müraciət edərək məlumat verib.
Hadisənin baş verdiyi ünvana gələn polis əməkdaşları 5 yaşlı qız və 2 yaşlı oğlanın meyitlərini aşkarlayıblar.
Uşaqların ölümünün səbəbi ekspertizadan sonra bəlli olacaq.
Faktla bağlı cinayət işi açılıb.
Hadisəni törədən qadının bir neçə dəfə psixiatr yanına getdiyi bildirilir.
Qeyd edək ki, bu ilin əvvəlində də Bratskda analoji hadisə baş verib. Psixi problemlərdən əziyyət çəkən başqa bir qadın 6 yaşlı uşağını meşə massivində öldürüb.
