Fakt üzrə araşdırma aparılır.
Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 7 saylı cəzaçəkmə müəssisəsinə narkotik vasitə keçirilməsinin qarşısı alınıb.
Penitensiar Xidmətin ictimaiyyətlə əlaqələr şöbəsindən AZXEBER.COM-a verilən məlumata görə, orada cəza çəkən, Cinayət Məcəlləsinin 177.2.1, 177.2.2, 177.2.3, 177.2.4, 177.3.3, 66.3 və 67-ci maddələrinə əsasən azadlıqdan məhrum edilmiş məhkum Mayıl Şərafəddin oğlu İsmayılovun yanına qısamüddətli görüşə gəlmiş anası Əsmarə Barat qızı İsmayılovanın görüş otağında üzərinə və əşyalarına baxış keçirilib.
Bu zaman əl çantasında olan saç üçün rezinin içərisində gümüşü kağıza bükülərək gizlədilmiş 4,153 qram narkotik vasitə - həşiş qətranı aşkar edilərək götürülüb.
Fakt üzrə araşdırma aparılır.
