Ankarada “Nümunə” tədris və tədqiqat xəstəxanasında güclü yanğın baş verib.
Xəstəxananın damında şiddətlənən alovun söndürülməsi üçün əraziyə çox sayda yanğınsöndürən cəlb olunub.
Yüzlərlə xəstənin başqa bloklara köçürüldüyü bildirilib. Yanğın zamanı ölən və ya yaralıların olmadığı qeyd edilib.Yanğının hansı səbəbdən baş verdiyi barədə məlumat yoxdur.
Türkiyə Səhiyyə Nazirliyi yanğınla bağlı açıqlama yayıb və yanğının nəzarət altına alındığı bildirilib.
"Ankara Nümunə Təhsil və Araşdırma Xəstəxanasının Beyin Cərrahı və Uroloji Xidmətlərinin yerləşdiyi B blokunun damında baş verən yanğın böyük ölçüdə nəzarət altına alındı. Yanğınsöndürmə dəstələrinin müdaxiləsi davam edir. 100-ə yaxın xəstə digər bloklara köçürüldü. Ehtiyac olsa, xəstələr ətrafdakı xəstəxanalara köçürüləcək", - rəsmi açıqlamada qeyd edilib.
