"Azərbaycan futboluna nifrət elədim"

"AFFA getsin çempionatdakı problemləri həll etsin. Bu yaxınlarda ANS-də çıxış edib, onları biabır edəcəm". Bu sözləri hazırda işsiz olan mütəxəssis Faiq Cabbarov deyib.

Son olaraq "Şəmkir"də çalışan Cabbarov AFFA-dan yardım istədiyini, amma sözünün yerə düşdüyünü bildirib: "Mən AFFA-ya məktub yazıb bildirdim ki, evimi "Rabitəbank" əlimdən alır, kredit borcunun müddətinin uzadılmasına yardım edin. İşləyib, yavaş-yavaş məbləği ödəyim. AFFA-dan mənə cavaab məktubu gəldi. Baş katib Elxan Məmmədovun qol çəkdiyi məktubun məzmununu sizə deyim: "Cənab Cabbarov, sizin AFFA-nın prezidenti Rövnəq Abdullayevə göndərdiyiniz məktub oxundu. Amma hazırda asossiasiyanın büdcəsində pul yoxdu". Niyə yoxdu? Almaniyadan milliyə gitərdikləri və nəticə qazana bilməyən məşqçinin ayına 120 min avro verə bilirlər, 6 dəfə çempion olan, 4 dəfə ölkə kubokunu qazanan, 1997-ci ildə ilin futbolçusu seçilən, 7-8 il millidə çıxış edən birinin bank kreditinin müddətinin uzadılmasına kömək edə bilmirlər".

Veteran futbolçu Azərbaycanı tərk etməyə hazırlaşır: "Elə bil, məni evdən qovublar, çöldə qalmışam. Heç kimin qapısında qalan deyiləm. Mən Azərbaycan futboluna nifrət elədim. Buna görə də ölkəni tərk etmək üzrəyəm. Moskvaya gedirəm. Mənə vətəndə kömək etmədilər, küçədə qoydular. Amma ittifaq dönəmində futbol oynamış yardımçı olmağa söz verdilər. Vladimir Mixaylevskinin yanına gedirəm. Burda AFFA mənə kömək edə bilmirsə, eybi yox, qoy bunu başqaları etsin". 

//"Futbol+"